2024 жылғы 20 қыркүйекте Петропавл қаласының Облыстық қан орталығында Дүниежүзілік сүйек кемігі доноры күніне орайластырылған донорлық акция өтті. Бұл маңызды іс-шара өмірді құтқаруға өз үлесін қосқан қала және облыс тұрғындарын қызықтырды. Сол күні қан тапсыруға келгендерге естелік сыйлықтар табыс етілді. Тіркелімге кіруге ниет білдіргендер сауалнамаларды толтырды. Сүйек кемігінің донорлығы ауыр ауруларды емдеуде маңызды рөл атқарады және акцияға қатысқан әрбір адам мұқтаждарға көмек көрсету жолында елеулі қадам жасады.